ກຸ່ມບໍລິສັດ ພອນສັກ ຈຳກັດ ມຸ່ງໝັ້ນຮັບປະກັນວ່າ ທຸກໆການດຳເນີນງານຂອງຕົນມີຜົນກະທົບທາງລົບໜ້ອຍທີ່ສຸດຕໍ່ຊີວິດການເປັນຢູ່ຂອງຊຸມຊົນ ແລະ ສິ່ງແວດລ້ອມ, ພ້ອມທັງໄດ້ທຸ້ມເທຄວາມພະຍາຍາມ ແລະ ຊັບພະຍາກອນຂອງຕົນເຂົ້າໃນການປະເມີນຜົນກະທົບຕໍ່ສັງຄົມ ແລະ ສິ່ງແວດລ້ອມ ເປັນບູລິມະສິດອັນດັບໜຶ່ງ.
ກຸ່ມບໍລິສັດ ພອນສັກ ມີຄວາມພາກພູມໃຈເປັນຢ່າງຍິ່ງ ໃນຄວາມມຸ່ງໝັ້ນທີ່ຈະປະຕິບັດຕາມມາດຕະຖານສາກົນ ໃນທຸກໆການດຳເນີນງານ, ໂດຍສະເພາະແມ່ນຄວາມພະຍາຍາມ ໃນການພັດທະນາກະບວນການ ທີ່ຈະຊ່ວຍປູທາງໄປສູ່ ການດຳເນີນງານທີ່ເປັນມິດກັບສິ່ງແວດລ້ອມ ຢ່າງຍືນຍົງໃນອະນາຄົດ.
ດ້ວຍຄວາມທຸ້ມເທ ແລະ ຄວາມມຸ່ງໝັ້ນຂອງ ກຸ່ມບໍລິສັດ ພອນສັກ, ບັນດາໂຄງການຂອງບໍລິສັດ ໄດ້ຮັບການຍອມຮັບໃຫ້ເປັນ 'ໂຄງການແບບຢ່າງ' ຢ່າງຄົບວົງຈອນ ທັງໃນດ້ານການພັດທະນາເສດຖະກິດ-ສົຄົມ ແລະ ຄວາມພະຍາຍາມໃນການປົກປັກຮັກສາສິ່ງແວດລ້ອມຢ່າງຍືນຍົງ; ເຊິ່ງໄດ້ສົ່ງຜົນຍົກລະດັບໃຫ້ ກຸ່ມບໍລິສັດ ພອນສັກ ກ້າວຂຶ້ນສູ່ຖານະ ບໍລິສັດຊັ້ນນຳ ທີ່ໄດ້ຮັບຄວາມເຄົາລົບນັບຖື ໃນຂະແໜງອຸດສາຫະກຳ ຢູ່ ສປປ ລາວ ໃນປັດຈຸບັນ.
