ບໍລິສັດ ພະລັງງານໄຟຟ້າຄວາມຮ້ອນ ເຊກອງ ຈຳກັດ

ພາບລວມໂຄງການ

ໂຄງການໂຮງໄຟຟ້າພະລັງງານຄວາມຮ້ອນເຊກອງ ແມ່ນໂຄງການໄຟຟ້າຖ່ານຫີນ ທີ່ມີກຳລັງການຜະລິດ 6 × 300 ເມກາວັດ (MW) ຕັ້ງຢູ່ ແຂວງ ເຊກອງ, ສປປ ລາວ. ໄຟຟ້າທີ່ຜະລິດໄດ້ຈາກໂຄງການນີ້ ຈະຖືກສົ່ງຜ່ານສາຍສົ່ງໄຟຟ້າ ແຮງດັນສູງ 500 ກິໂລໂວນ (kV) ວົງຈອນຄູ່ ຄວາມຍາວ 253 ກິໂລແມັດ ຈາກໂຮງໄຟຟ້າ ເຖິງຊາຍແດນ ລາວ-ກຳປູເຈຍ ຢູ່ ແຂວງ ຈຳປາສັກ ເພື່ອສົ່ງອອກໃຫ້ແກ່ ບໍລິສັດ ໄຟຟ້າກຳປູເຈຍ (EDC).

ໂຄງການໄດ້ບັນລຸບາດກ້າວສຳຄັນ ໂດຍໄດ້ຈັດພິທີວາງສີລາລຶກ ແລະ ເລີ່ມຕົ້ນການກໍ່ສ້າງຢ່າງເປັນທາງການ ໃນວັນທີ 2 ເມສາ 2025. ໂດຍມີເປົ້າໝາຍໃຫ້ໜ່ວຍຜະລິດໄຟໜ່ວຍທຳອິດ ເປີດດຳເນີນງານດ້ານການຄ້າ ໃນເດືອນ ທັນວາ 2028, ຈາກນັ້ນ ຈະທົດລອງລະບົບເດີນເຄື່ອງ ແລະ ເຊື່ອມຕໍ່ເຂົ້າຕາໜ່າງໄຟຟ້າ ຂອງ ໜ່ວຍຜະລິດທີ່ເຫຼືອຢ່າງຕໍ່ເນື່ອງ ເພື່ອມຸ່ງສູ່ການເປີດດຳເນີນງານທາງການຄ້າຢ່າງເຕັມຮູບແບບ (COD) ຂອງ ໂຄງການ ໃນເດືອນ ທັນວາ 2030.